والله الي تطلع عن اهلها غلطانه ثم غلطانه
اول شي تركيزكم بالدراسه راح يكون تعبان مررره
ثاني شي كيف راح تستحملون وحشه الآهل والفراق
ثالث شي انتم عارفين نظره المجتمع والناس عندنا ماترحم
أخوي يدرس بالرياض يجينا اخر الأسبوع يقول مليت بفصل وهو ولد يطلع ويروح ويجي
صدقوني تجلسون عند اهلكم اذا ماقبلتكم الجامعه تستفيدون تخشون معهد حاسب انقلش
لين السنه الجايه ولا تتركون ديرتكم ومكانكم ...
وبعدين اصبرواَ سنه يمكن الله ماكتب لكم تدرسون هالسنه ...
وإذا تخرجتوا منتم متوظفين مباشره ياما بنات معدلاتهم 4 وجلسوا سنوااات ينتظرون الوظيفه
وبعدين اجلس سنه واحتمال السنه الجايه اسجل عند اهلي ولا اجلس 5 سنوات بعيده عنهم
يمكن يصير شي لاقدر الله ولا شي والله ان تكرهين ابو الجامعه
صدقوني نصيحه مجربه أخوي يجينا يبكي بس امي تمشيه بالغصب تقول بتروح ولا بنزعل عليك
ولا نكلمك وكذا ويرجع اخر الأسبوع وعلى هالحال هذا ولد كيف انتم ..!
نصيحه بيت أهلكم والله انه اولى بكم ..
بعيدين ليش ماسجلتوا بالجامعات الخاصه الملك متكفل بنص القيمه يعني كل هالي بتصرفونه بالغربه
ادفعوه للخاصه وريحوا انفسكم ...
حبيت اقول الي عندي والرأي لكم ... مع الف سلامه ... لاتنسون الإستخاره