تستاهلون الطيب ياااراعين الطيب
تجمعنا على وضح النقا من كل حدب وصوب
وكلن يسرج خيوله وكلن يشعب اركابه
جعلنا الله من عدة قبائل واختلاف شعوب
وجينا للمكان اللي عقيد القوم غنابه
حضرنا كلنا اخوان لاغالب ولا مغلوب
حرار كل واحد لا انتهض عشاه مخلابه
احد يكتب على البحر الطويل ويترك المسحوب
واحد يكتب على بحر الهجيني ويتورابه
واحد يحدي حدا واحد على المنكوس نوب ونوب
يغنيله على طاروق شعبي لحن وجابه
سطع نجم وافل نجم وبقى وجه القصيد ينوب
وسرنا والسهوم مقدره والدرب متشابه
يجمعنا هدف واحد وكلن له نمط واسلوب
على باب الكريم اللي مشرع بالسما بابه