بسم الله الرحمن الرحيم
والصلاة والسلام على اشرف الانبياء والمرسلين
نبينا محمد عليه وعلى اله اتم التسليم ..
بصراحه انا من 3 شهور جاني آلــم في أذني اليمين
كان في البدايه خفيف ,, يعني يجي ويروح ,, فما اعطيته بــال
بس الاسبوعين اللي راحت ,, صارت اذني تتسكر لدرجه ما اسمع
رحت لدكتور وقال عندك التهاب حاااد بالاذن الوسطى
صرف لي قطرات ,, استخدمتها 3 ايام وبالعكس زادت الطين بله 
اذني تسكرت ع مدار الساعه
يعني صارو يتكلمون اسمع اصواتهم بعيده 
المهم اخوي اخذني و وداني مستشفى غير الاول
وانا بالمستشفى اكتشتف ان انا من كثر ما اذني متضرره ,, ان انا مو قادره اتحكم بمستوى صوتي
يعني اتكلم ,, واحسب صوتي واضح ,, ويتضح ان صوتي راخي مرره
اتكلم مع اخوي وهو معطيني ظهره ,, وما لف ,, عرفت ان صوتي ما وصله ,,
(والله العظيم ما يحس حد بالنعمه الين يفقدها )
بعد ما دخلت لدكتور ,,
سوولي تنظيف اذن لجل ارجع اسمع
دخلو جهاز بأذني وفتحو الماء ... والله احساس لا يوصف
الم + وصوت الماء + والدفع كان قوي ...
لما خلصو وجففوها ,, رجعت اسمع ( ولله الحمد )
مع ان الالتهاب ما خلص ,, بس اقلها مارجعت تسكرت
(يوم ركبت السياره وراجعه البيت )
قلت في نفسي ياارب لك الحمد ع هـ النعمه
يعني انا لو فقدت حاسة السمع ,, ما ادري اش كان ممكن اسوي
:
خلو دائما الحمد والشكر ع السنتكم
مهما كان ينقصكم ,, تذكرو الاشياء الثانيه وقولو الحمدلله
احمدو ربي ع كل حاسه موجوده عندكم
:::
ع النظر
ترى غيركم كفيف
ع الشم ,, ترى غيركم لا يشم ولا يتذووق ,, ولا يعرف الفرق بين الروائح والاكل
:
احمدو ربي ع حاسة السمع ,, ترى غيركم مايسمع وفاقد سمعه
احمدو ربي ع نعمة الصوت ,, ع نعمة الكلام
غيركم عنده مشكله بالحبال الصوتيه ,, او ثقل باللسان وصعوبات بالنطق
:
كثير اشياء فينا تستاهل الحمد
(الشعر ,, البشره ,, القلب ,, الرئه ,, المعده ,, المري ,, الكبد ,, الطحال ,, الزائده
المثانه ,, الامعاء ,, العظام ,, المفاصل ,, الاطراف ,,,, الخ )
وحتى من حولنا ,,
(احمدو الله ع وجود الام والاب ,, ع وجود الاخوان ,, ع الامن والامان ,, ع المسكن
ع النوم ,, ع الكهرب ,, ع الماء ,, ع الاكل ,, ع الاكسجين ,, ع الجار ,, ع المال ,, ع الابناء ,, الخ)
كل شي بهالكون يستاهل الحمد
لو كل واحد فينا ياخذ قلم و ورقه ويكتب كل نعمه موجوده عنده
كان الحين هو من اسعد الناس
قال تعالى: (لَئِنْ شَكَرْتُمْ لَأَزِيدَنَّكُمْ )
:
كل مافي الموضوع اني ابغى اذكركم بنعم رب العباد
لاني فقدت احداها للحظاات وحسيت بمعنى الفقد ..
/
تقبلوو فضفضاتي وكلامي
ولاتنسون تدعون لي ولكل مريض بالشفاء
:
اختكم ملاك الغامدي 
