ملتقى طلاب وطالبات جامعة الملك فيصل,جامعة الدمام - عرض مشاركة واحدة - √•° عندك سؤال .. استفسار ..حطهـ هنــآآآ واحنا حــاآآضريـن √•°

ېــگــڤــېــڼــے عــذأإآپــــے · 2011- 7- 28

اقتباس:

المشاركة الأصلية كتبت بواسطة بوسي كات

الله يجزاك كل خيييييييييييير يارب ..

ممكن اسئلك شوية اسئلة بما انك سنة 2 وربي يتمم للك على خير يارب ..

حابة اعرف انطباعك عن كل شي القسم والمحاضرات والمواد .. سهل ولا صعب لان بالاول كنت متحمسة بس خفت بصراحة ومحتاجة لعون الله ثم تشجيعكم ..

وهل نختار احنا الدكاترة ولا لا .. ولو احنا نختار ايش تنصحيني بمين ؟ وشكرا لك عزيزتي

شوفي حبيبتي .. راح نبدأ بالسهل .. القانون .. سهل سهل سهل ..

لا يغرك شرح الأستاذ .. ترى شرحه مش ولا بد .. بس أحضري المحاضرات .. وحددي معه ..

وأن شاء الله ناجحه .. قبل الأمتحان أخذي نموذج من السمسترات اللي راحت .. وحليها ..

الأسئله نفس الأسلوب ..

الأقتصاد يجننن بالنسبة للدكتور شرحه كمان لك عليه .. بس لمى تذاكرين عدل .. صدقيني ..

راح تنجحين بمعدل عالي ..

الأدارة .. الدكتور رائع رائع رائع .. وأسئلته فيها صعوبه شوي .. بس المادة سهله وخفيفة ..

أذا مشيتي فيها عدل من البدايه .. مو على الأمتحانات تجين تذاكرين .. ذاكري أول بأول ..

الرياضيات .. الدكتور عسل عسل عسل .. وشرحه رائع .. بس ركزي عليه جدا ..

لأنه أسألته فيها نسبة بسيطه من الصعوبه .. بس ولا يهمك .. كلها سهالات ..

أما بالنسبة للمحاسبة .. جينا عند مربط الفرس .. الدكتور شرحه حلو ..

والأسئلة فيها شوي صعوبة بس هذه المادة أكثر شي يحملونها ..

ركزي ثم ركزي وركزي على هالمادة .. لأنه أن عديتي منها .. تعدين المقررات المرتبطه فيها ..

وكل المقررات أجباريه والدكاترة أجباريين .. قبل الأمتحانات ركزي على المحاضرة 14 ..

تراها مستوفيه المقرر .. بس مبسط ..

وبالتوفيق ..