|
جعلك الغلا نحات تنحت رسوماتك ...على باب قلبن ضاع قفله ومفتاحه
الا يــــاغزال الوادي الي تلفاتك
بعنقآ طويل ومشيتن في تبجاحه
قبل لا تمارس في الغرام اولوياتك
تركد على الجمهور والشعر والساحه
نصحك الطبيب تجنب الناس نظراتك
قبل ينصحك تاكل على الصبح تفاحه
وش يقول من هاب الغرق في ملذاتك
شفاياك ذباحه وبسمتك ذباحه
لو تقبل التنور عود من شفاتك
حديقة عبير و نسمتن من هوا الباحه
جعلك الغلا نحات تنحت رسوماتك
على باب قلبن ضاع قفله ومفتاحه
الا صد تطلب منه حاجه ولا جاتك
ولا حب تاخذها من ايديه بالراحه
يشيل الجروح وكلها من بركاتك
مثل ما يشيل من اخر السلك مسباحه
مضى حول ورياح الغلا واجتياحاتك
تلاعب عرين اثله وزرعه وفلاحه
تداركت مشوار الهوى عقب مافاتك
يابو عين حرآ بين وكره وملواحه
تبصر بعمرك لا تغرك خيالاتك
ما تملك من اسرار البحر .. كثر سباحه
للشاعـر/مدغم ابو شيبة
|