|
رد: سجل حضورك اليومي بكتابة بيت من الشعر
حثَ القدم وادحر مناديب الآوهام = وابشر برجلٍ فيه للجود طاقة
صاحبك في درب الآجاويد مقدام = وسيع عرف وفي لسانه طلاقة
عدَه عضيدك لا اقبلت سود الآيام =وَلا الرَخا كلٍ رفيق الرفاقة
والقرم لا شانت تصاريف الآعوام = يبين مثل العود عند احتراقه
والله لركَبها على روس الآجرام = في كونها اللي ما يحدد نطاقه
بعض الغلا ما تكتبه روس الآقلام = صعبٍ على الاقلام تحكم سياقه
يا جعل يفدونك صعاليك الآنام = مرضا القلوب آهل الهروج الدقاقة
ومدام راسي حي فالوعد قدَام = نذرٍ عليَ انَي لا اصون العلاقة
والحرَ لا ضاقت فجوج الخلا حام = له فالمعالي : فزةٍ وانطلاقة
والفرق فرق عقول ماهو فالاجسام = الذَيب : ذيب / وناقة القوم : ناقة
|