سو اللي براسك ولاتذكر اسباب..لاصرت بايعني توكل على الله ..
مابيني وبينك مشاريه وعتاب..شف دربك اللي جيت منه تدله ..
ماراح تغلبني لو الحب غلاب .. من حضرتك عشان قلبي تذله ؟
في ذمتي لجعلك عبره للاحباب .. لين الخل يتوب عن جرح خله ..
زلاتك اللي مانفع فيهاحساب .. لاجيت اعددهن ثمانين زله ..
احرجتني بين القرايب والاحباب .. كن الجفا سيف بوجهي تسله ..
ماكنت اقصرفيك من كثر الاعجاب .. يومك تساوي عندي الكون كله ..
كنت القريب وكلهم كانو اغراب .. حتى القمر لاغاب شفتك محله ..
خلاص لاترجع ترى خاطري طاب..ماابي طاري اللي كنت عايش بظله ..