|
رد: لثمـه وكحلــه وعبــايـه مخصــرهـ..ومـابي أحـد يـ غ ــازلـني!
المرآه بطبعها تحب الزينه لكن الزينه عند المحارم أما غيرهم لا
بكره لو زوجك جلس يناظر وحده من هالفئه وش ردة فعلك ما تتضايقين ؟؟ ما قال الرسول لا يؤمن أحدكم حتى يحب لأخيه ما يحب لنفسه
وأنتي طالعه بهالشكل ويصير لك حادث لاقدر الله وتواجهين ربك وأنتي بهالحاله وين تتوقعين مكانك بالجنه ولا النار وش تتوقعين حالك بكره وأنتي واقفه أمام ربك وتعرض أعمالك
والرسول صلى الله عليه وسلم قال : ( كل عين زانية والمرأة إذا استعطرت فمرت بالمجلس فهي كذا وكذا، يعني زانية )
لا تقولين هالعبايه أريح و لا انا رايحه قريب ولا لبسي ما يفتن ولا أنا أصلي وخلاص كأنها ضامنه الجنه الصحابه وهم أفضل منا كانوا يخافون من النار كل هذي الأعذار اللي يزينها لك الشيطان ..
والغلط الأول والأخير أكيد على الأم والأب اللي رضوا أن بناتهم يطلعون بهالهيئه والشكل هذا إذا ما كان الراس الكبير نفس الشي كل الأمور ممكن يتم التتساهل فيها إلا أمور الدين
وما أدري كيف رجل يغار على محارمه يمشي مع أهله وهم بهذا الشكل وين قوامته وين مسؤليته وهو سيسئل عنهم ..
وأكييد الهيئه لهم دور كبير جزاهم الله خير المفروض أي واحد يشوف امثال هؤلاء يروح عند أقرب رجل هيئه يخليه يناصحها وأكيد ديننا دين نصيحه وأمر بمعروف ونهي عن منكر ..
سبحان الله قد تُهدي شخص نصيحه بأسلوب طيب يهديه الله بها وما أقول إلا الله يهدي بنات المسلمين ولا يزيغ قلوبهم ..
وخصوصا أننا الآن مقبلين على شهر المغفره والرحمه يفتحون صفحه جديده مادام ربي أمد في أعمارهم حتى هذه اللحظه ..
وشكرا عالموضوع ..
|