بواحة الأسـرار منقـود منقـود لا لا اتكلـم باللسـان الطليقـي
ترنيمة النهونـد وترنيمـة النـود قام يعزفها حيل و أنا في ضيقـي
يا ذا البشر يا راعي الخيل والذود كيف الخيانه لي تجي من رفيقـي
ما كنت بأعشقها ولا كنت بأعـود لين اكتشفت انه هواهـا حقيقـي
في مقلتيك أنهار وبحـور وورود لايق وفيك الوصف كلـه يليقـي
يا معادي للنكس تستاهل الـزود وأنا لك بسمع الغـرام استليقـي
ارحمني بنظرة ترى نظرتك جود مشاعري نامت ولا قلـت فيقـي
ظميان قرب شفتك سيـد الخـود أخاف أموت فراق ما ابتل ريقـي
صحيح أنا محبوب للبيض والسود لكن ما غيـرك لقلبـي عشيقـي
إليا فتحت العين ألقـاك موجـود ذكــراك ترسم صورتك في طريقي
ولا تشعل النارين يا مخصر العود أنا بليـا عـود زايـد حريقـي