للأسف ... مواقف قمه في السذاجه
فين راح الحيا... مصدومه ..ماني مصدقه
يابنات .. كانت البنت السعوديه مضرب للمثل في الحشمه والحياء آيش صار عشان هذا كله
صراخ ومصخره والرجال واقفين ..
أنا عارفه أن بعض البنات ماراح يعجبها ردي ... بس بصراحه قلت أدب وهمجيه
يعني إذا سوو كذا راح ينقبلو ...
انا لو مكان العميده أحط على ملفاتهم شمع أحمر مو بس ماأقبلهم لأنهم عار على التعليم ..
يعني استحلو الشغله .. أول طالبات أم القرى وذحين جامعة الأميره نوره
وليش هذا كله .. مايعرفو شي أسمه (( الله قاسم لي هذا الشي ))
يعني لو ربنا كاتب لهم ينقبلو مو كان أنقبلو ..
بس للأسف ضعف الإيمان ....
ياليت مانشمت العالم فينا ونكون أرقى من كذا .. واليتيوب مايقصر
الكل راح يشوف
يابنات .. مهما صار لاننسى أن الحياء زينه ... ولنا في رسول الله أسوة حسنه
قال الرسول صلى الله عليه وسلم موضح ذلك :"إن لكل دين خلق وخلق الإسلام الحياء" ،
ويكفي الحياء قدرا أنه من الإيمان، وأنه طريق إلى الجنة وعكسه البذاء يقول الرسول، صلي الله عليه وسلم: "الحياء من الإيمان، والإيمان في الجنة، والبذاء من الجفاء، والجفاء في النار"،
وعرف العلماء الحياء بأنه تغير وإنكسار يعتري الإنسان من خوف ما يعاب به.
وفى الشرع نقول عن الحياء: هو خلق يبعث على اجتناب القبيح، ويمنع من التقصير في الحق، ولهذا جاء في الحديث "الحياء خير كله"،
ويقول الأصفهاني : الحياء انقباض النفس عن القبيح، وهو من خصائص الإنسان ليرتدع عن ارتكاب كل ما يشتهي، فلا يكون كالبهيمة ولهذا لا يكون المستحي فاسقا، وقلما يكون الشجاع مستحيا.
وأوضح الشيخ أن: الحياء علامة خير وهو شعبة من شعب الإيمان كما قال عليه الصلاة والسلام: "الإيمان بضع وسبعون شعبة والحياء شعبة من الإيمان".
قال صلى الله علية وسلـم
:"إن ممـا أدرك الناس من كلام النبوة الأولى إذا لم تستح فاصنع ما تشاء".
هذى وجهة نظرى وياليت تتلاشى هذه الظاهره ونكون أكثر رقي ..
ونكون اكثر إيمان باللي يكتبه لنا الله
كفايه اللي نشوفه في الأسواق .. هذي أماكن محترمه ،أماكن للعلم
((ولكل مقام مقال ))