خلها...بالقلب تكفى خلها
تحرق عروقي وتسكن بالوريد
من لها غيري بربك من لها
لوعتي وأنفاس حزني والنهيد
كم قلوب تشتكي من خلها
وكم قلوب عاشت بحب سعيد
بس أنا حزني لنفسي تلها
أشكي الآهات وجروحي تزيد
صابر والصبر يبقى حلها
في زمان عكس ما ودك تريد
خلها مرباع همي ضلها
وين ما تبغى أنا معها أكيد
حزن قلبي للمواجع سلها
وين ما وجهت هالدنيا نكيد
علها دنياي وأرجي علها
تمحي جروح لها ماضي عنيد
وأتناسى هاالمواجع كلها
وارحل بصمتي عن همومي بعيد
قاسي الحرمان نفسي ذلها
ما أبي شي من الذكرى تعيد
بس تكفى في حياتي خلها
تحرق عروقي وتسري بالوريد