ألا يا وقت وين اللي على بالي يجي ويروح
هذاك اللي ملك قلبي وتفكيري ووجداني
اموت بطيفه اللي لا لمحته تنتشي لي روح
أحس اني إذا شفته كأني بعالم ثاني
احبه والامل باني في قلبي من غلاه صروح
حبيبي لو يمر طيفه يبدد ماضي احزاني
احبه حب لو يدري عن اللي بخافقي من بوح
نسى كل الزعل وارخص حياته دون حرماني
تحملت الخطى منه وإذا أخطى بعد مسموح
حبيبي معليه ازعل إذا أخطى وخطاني
تذكرته وانا ناسي ونسيته والوفا مجروح
غريبه حالتي والله واهو ذكراه نسياني