..{ طول غياب اللي لـه القلـب ملهـوف
والشوق ظالـم ماعـرف يـوم رئفـه
الجسم ناحل حيـل واللـون مخطـوف
مدري علامـه طـول ارحـال عطفـه
امـراض دنيانـا لهـا طـب معـروف
مافادنـي طـب ٍ ولا ألف وصفـه
خلانـي لاسمـع ولاحـس ولاشـوف
عايش بنصف انسـان مذبـوح نصفـه
لا والـذي مالـه بهالكـون موصـوف
حـوا جمـال الكـون والتـاج عـفـه
ماتوصفـه اقـلام ببيـات وحــروف
احبه ياوجـدي علـى ذيـك شفـه
محروم من لاشـاف خلـي ومتلـوف
والله مايغمض مـن الـ( آآه ) طرفـه
بيده لمحـت الليـل والصبـح ملفـوف
ذيـك الانامـل كيـف بالشـال لـفـه
كل ٍ يقـول الليـل والفـرق بالشـوف
في ذمتي شفته علـى اطـراف كتفـه
كذاب من قال ان حكي الصوت مألـوف
غير البشـر يانـاس صوتـه وحرفـه
صوته يلوف القلب ويلووف ويلوووف
خلانـي مـركـب لاشــراع ودفــه
باقولها مـن غيـر رهبـه ولاخـوف
والله يسـتـر واســأل الله لـطـفـه
لا(ريم) لا(حصة) ولا(
مـي) او(نـوف)
(هتان) (ريميه) مـع اشعـار (وطفـه)
والله لـو للحسـن ميـزان وكـفـوف
كل البشر في كف و خلي بكفه
قسـم حنايـا القلـب ادراج ورفــوف
ورتب هيامـي ولوعتـي فـوق رفـه
ياناآاس ياعاآالـم ياهـوووه ملهـوف
والشـوق ظالـم واقـف ٍ دوم صـفـه
منهو يقـول لصاحبـي ليـه مايـروف
خله من شوقه دنـا اليـوم حتفـه
قالوا يموت الورد لا صار مقطوف
وانـا حبيبـي الـورد يـحـي بكـفـه
..}
ـآلشآعر : إيآد المريسي