يـــا الـغـايـب الـلــي غـابــت سنـيـنـي مـعــاك
يــا جـعـل مــا جـانــي مـــن الـفـرقـا يـجـيـك
اسـتـغـفـر الله !! جــعــل مـاجــانــي فـــــداك
حـتــى لـــو ان نهـايـتـي .. عــلــى يـديـيــك!
مسـامـحـك .. والـلــي بـقـولـه فــــي قــفــاك
خــيــرك كـثـيــر .. ويــرحـــم الله والــديـــك
مـاصــار شـــي ابـــلا رضــــاي الا رضــــاك
الـلــي مـاهــو فـيـنـي وابـيــه الـقــاه فـيــك!
كـنـت الـسـمـا فـــي عـيـنـي وعـيـنـي سـمــاك
كــانــت حـيـاتــي كـلـهــا مــنــك والــيــك
كـنــت بيـديـنـي مـيــر مـــدري مـــن خـــذاك
حـسـبـي عـلــى تقـصـيـري وحـسـبـي عـلـيــك
علـمـتـنـي.. وش الـحـيــاه مـــــن الــهـــلاك
فـــي مـوادعــك هـــذا وفـــي جـيّـتـك ذيـــك
يـاكـيـف ابـلـقـى شـخــص يـسـوانــي ســــواك
كــل مانـويـت انـهـيـك فـــي شـخــص ابـتـديـك!
أبـــــدى أقـــــارن مـســتــواه بـمـسـتــواك
واخــــاف لاتــزعــل وابـيــعــه واشـتــريــك
والمـشـكـلـه : رغــــم مـحـبـتــك وغـــــلاك
وانـــي رغـــم كـــل شـــيّ مـشـتـاق وابـيــك
مـــا هـــوب مـــن حـقــي يضايـقـنـي جـفــاك
ولااعــشــقــك ولاالــمــحــك ولااحــتــريــك!!
لـكــن مــــا يـخـفـانـي ولا اظــــن يـخـفــاك
حـقــي عـلـيــك .. انّــــك تـطـمـنّـي عـلـيــك