طول غيابك يا نظر عين مغليك
الجرح زاد وصار فوق احتمالي
تتعبني الفرقا ولا نيب ناســـيك
وتحرقني أشواقي وسود الليالي
أسهر وروحي بالليالي تناديك
غالي على قلب شقـا فيك غالي
ماتت حروفي منك ولو موتها فيك
بين الشفايف صمت واحرقت حالي
ارجع وخذ قلب العنا بين أياديــــك
كن الفضاء من دون شـفــتك خالي
وازرع أمل للشوق في نفس تعطيك
نفس الوفاء يكفيني اللـي جرالي
لا تمتحني بالغــــــياب وتغلــــــيك
مثل القمر قدرك عن النــاس عالـي