محتــاج لك حيل والله يقطع الحاجـــــه
حدتنـي وجيت اداري دمعة عيونــــــي
بايـــــن علي التعب والضيق وانتاجــه
منهـــار لوني متغير ماهو بلونـــــــــي
لقيتـــك .. اللي يصد معقد حجاجـــــــه
وانت اقرب الناس والغالي ومضنوني
لكن على الله بديه الضيق وافراجــــه
والا انت الله معك خابت بك ضنونــــي
بـــلاش منك ومن موقفك واحراجـــــه
رح واتبع اللي خذوك مني وخلونــــي
من صـد عني ترى مانيب محتاجـــــــه
من دونه اعيش دامه عاش من دوني
وان قــدر الله مع الايــام نتواجـــــــــه
تمـــر مثلك مثل ناسن يمرونــــــــــي
في عيوني تصير ماتسوا ولا حاجـــه
من عقب ماكنت تسوا الناس في عيوني