ملتقى طلاب وطالبات جامعة الملك فيصل,جامعة الدمام - عرض مشاركة واحدة

!..قلب أنثى..! · 2011- 8- 7

اقتباس:

المشاركة الأصلية كتبت بواسطة قبعة قش

السلآمـ علييكمـ

مسآء / صبآح الخير

تم قبولي في كلية علوم الحاسب الآلي وتقنية المعلومات ولله الحمد .. كم سؤال وآسف ان طولت عليكم ..
- التخصص جديد بالنسبة للأولاد وكان بس للبنات وانا من اول دفعة ، يعني مافيه أحد اسأله عن الدراسة وإذا كانت دراستنا تقريبا نفس دراسة البنات ونفس مناهجهم تكفون قولولي كيف التخصص صعب سهل ؟ يعتمد على الفهم ولا الحفظ ؟ وكيف مستقبلة اللي سمعته انه كل الشركات تبيه ! وايش احسن تخصص فيه ( هندسة الحاسب / شبكات / برمجة / نظم معلومات )
- السنة التحضيرية وش النظام فيها ؟ انا اللي اعرفه اني ادرس بس انجليزي بس شفت المواد فيها رياضيات وفيه كم مادة في الحاسب والفصل الثاني فيه فيزيا

بأختصاار انا شبه مدري وين الله قاطني فيه

أول شي مبروك القبول اخوي <--- ماني متعودة فيه شباب بتخصصنا

بالنسبة لأسئلتك

1- التخصص يبي له شدة حيل وتركيز وفهم .. او الكلية بمعنى اخص لأنو لسه باقي لي على التخصص سنة .. وبالنهاية الجامعة مو مثل المدرسة .. يعني تعتمد على نفسك بكل شي والاهم تعرف شخصية الدكتور الي قدامك .. "فيه دكاترة حتى لو ما شرح الشي يكون معاكم بالاختبار" .. السنة التحضيرية اسهل بكثير من بعدين

..

2- يعتمد على الفهم و الحفظ .. يعني حسب انت وش تختار تخصص .. لو كان علوم حاسب او "برمجة" يعني ترتكز بشكل اساسي على رياضيات و شوي فيزيا .. نظم معلومات حفظ أكثر شوي من الفهم ويدخل فيه مواد مثل ادارة اعمال و قواعد بيانات وهالامور

3- بالنسبة للمستقبل الوظيفي تراه يتغير من شهر لشهر فما بالك بخمس سنوات !! .. ككل التخصصات التقنية مطلوبة لان العالم بدأ يتطور ويحتاج مصممين ومبرمجين وناس خبرة بالحاسب .. وبالنهاية كل واحد و رزقه =)

4- انا برأيي ما تفكر بالتخصص من الحين .. انت بتدرس تحضيرية وبعدها سنتين عامة من هالسنتين بتعرف وش ميولك اكثر وبأي اتجاه

5- السنة التحضيرية ما تكون بس لغة مع ان رح يكون اغلب من نص الدوام لعيونها

.. على حسب مااذكر كأنو كل ترم فيه 5 مواد
الترم الأول: انجلش - رياضيات - تربية صحية وبدنية (بالعربي) - ومادتين حاسب و مادة بحث علمي (بالعربي) .. بس مارح تتعمقوا في الحاسب كثير

الترم الثاني: انجلش - رياضيات - فيزياء - مهارات تواصل (بالعربي) - ومادة حاسب
الانجلش يكون يومياً من 8 الى 12 وبقية المواد يبدي دوامها من 1

ترى احتمال يكون عندي لخبطة مواد بمخي <--- مخلصة سنتين

واي استفسارات احنا موجودين بالخدمة