|
رد: ابي رايكم في د/ مرفت العثمان
عزيزتي أنا درست مع الدكتورة ميرفت و سمعت عنها كلام اللي يقول
معاها سوط و مهمتها تخسف في البنات الأرض و الله ما شفت منها هذا أبد
هي شخصيتها قوية و شديدة و حازمة إذا قالت كلمة من الصعب تغيرها
مع أني شفتها تنازلت أكثر من مرة عن أشياء قررتها
و لا تهتمين باللي يذمها كثير أهم شي تحفظين المحاضرات كلما اتسع لج الوقت
لأن المحاضرات اللي خذناها طويلة و يبغى لها حفظ و أنا ما أتكلم من منطلق دافورة بالعكس
أنا مستواي عادي و لكني حبيت محاضرتها و أما تعاملها مع الطالبات هذا راجع للطالبة نفسها
متى ما احترمت قوانين الدكتورة الدكتورة بتحترمها و من أهمها : بلوزة بيضا سادة و كمها طويل ، الجوال
عالصامت أو مغلق ، ما في أكل علك ممنووووع و طبعاً هي من النوع اللي يحب يوضح أسلوبه من أول ما
تجي بس إذا كان في بحث الله يعينج تحب البحوث اللي من الكتب بس و الله من جد لها طعم خاص البحوث
اللي سويناها مع أنا كنا نحس بمعاناة بس و الله حلوة . 
و أما أسئلتها أنا ما عجبني نمط الأسئلة اللي تحطها بس الأسئلة تنحل و أما أنها تنقص على الهمزات و
الأخطاء الإملائية أشوف هذا من حقها لأنا حنا في قسم اللغة العربية لازم الطالبة تكون واعية بما فيه الكفاية
من الإملاء و شكراً .. 
|