الله على الجمس لولا وارد الستين ... ياليت مابدلو روده وسكانه
ياليت شالو مقصاته مع الجنبين ... خلوه سسته على الدنقل كما اخوانه
ربحان يامن شراء من اربعه وستين ... ما يشتكي نفضة البطناج ربانة
الله واكبر على من ضبط التيمين ... وزن بلوفه وبَرينقه وذرعانه
لولا السلنسر وسيع ودبته مترين ... كان انفجر من لهيب النار شكمانه
بين السلندر وبين الهيتله وجهين ... أطرنبة الماي تقلب بين قمصانه
اما الشنابر مع البستن بوزنبين ... على الكرنكات في بوشات مليانه
اكويل والديلكو مايحرق ابليتين ... اسلاك في الكوب وافهم حق ميزانه
واحد وخمسه وثلاثه وسته قبل اثنين ... الاربعه حطها في آخر الخانه
الدينما والكتاوت شغلها تموين ... بتريه للسلك والليتات بطرانه
السير والمروحه في وسط الكاور تلحين ... تشبه ربابة ابومحمود والحانه
باور استيرنق في السكان له بيبين ... يعجبك تصفير سفتي بلف خزانه
اما الغماره بلاسلكي بكشافين ... طبلون ورشه عليه اسمه وعنوانه
انا اشهد