مقلب اخوي في خالي هههههههههههههه


السالفه من طقطق الى السلام عليكم :


انا خالي الله يسلمكم
مايدري وين الله حاطه بالانجليزي

جاك ذاك اليوم وقال لخوي انه يبي يروح للقصيم
طياره ويبي حجز طبعا اخوي يشتغل في الخطوط السعوديه
قسم الحجوزات اللي يبي خدمه ترانا حاضرين ههههههههههه
نرجع لموضوعنا

قام خالي وجلس يوميا يدق على اخوي يبي حجز للقصيم
دق اخوي على ابوي وقاله مافيه حجز وخالي الا يبي حجز راح اقنعه
يمكن يروح مع اي واحد من جماعتنا رايح للقصيم - قام ابوي وقال للخوي
تدور حجز يعني تدور حجز لا تكثر كلام - طبعا الوالد يتميلح قدام الوالده وخالي
مسوي مهتم في موضوع خالي وابوي مايهمه لو خالي يروح بالنقل الجماعي
مسكين خااالي ههههههههههههه

مالكم في الطويله

اخوي طفش وهو يدور حجز للقصيم مافيه الا درجه رجال الاعمال
وخالي مايبي الا سياحيه .

وبعدين يوم الامور خلاص مالقا رحله للقصيم

قام اخوي وحجز لخالي رحله من الرياض للقيصومه
وقال خل خالي يتوب معاد يركب طيارات

وضبط اخوي الحجز وقص البوردنك على القيصومه
لخالي وعطاه اياه وقاله عن موعد الرحله

قام يدعي لخوي الله يوفقك ياوليدي وييسر امورك

يوم الرحله راح ابوي وخالي للمطار واخوي اخذ اجازه ذاك اليوم
واختفى - شكله انحاش للشرقيه ههههههههههههه

ونزل ابوي خالي في المطار ورجع
جات رحله القيصومه وطلع خالي الرحله على باله القصيم
لين قال سلام يالقيصومه على حدود الكويت ههههههههههه

نزل خالي وتسحب يمين ويسار ديره غريبه وسال عن طريق بريده من وين
جاه واحد كداد وقاله انت وينك وين القصيم

درا خالي ان الدعوى فيها مقلب
ودق على اخوي جواله مقفل وحلف انه مايتركه
ودق على ابوي ودق على امي وعلمهم

وحلف ابوي ان اخوي مايطب البيت لين يرضى خالي
وخالي حالف انه اذا شاف اخوي انه يرميه هههههههههه

واخوي انحاش الى الشرقيه وقفل جواله

وفي الاخير

تدخل خوالي وعماني وهدو الوضع
وذبح اخوي لخالي ذبيحه علشان يطيب خاطره

ومن ذالك اليوم الى الان وخالي مخزن اسم اخوي في جواله
البناخي الخائن

وابشركم ان خالي شال فكره السفر بالطياره من راسه
وصار يستخدم التكاسي واحيانا يروح مع ربعنا للقصيم


وشكرا .....