صبااح النور والسرور ,,
تسلمييين على هالكلام الطيب وإن شاء الله اكون لو استحق ربعه << مو طماعه
ماقصرتي يا عسل
..
السـؤال الأول /
كل عام وأنتي بخير بـمناسبة الشهر الفضيل ..
تهنئة خاصه لمن تقدمينهـا ؟؟
وانتم بخير وبصحه وسلااامه
تهنئه خاصه ..
لصديقتي إلي بأمريكا الله يرجعها بالسلامه
,,
السـؤال الثانـي/
كيف يكون برنامجكِ في شهر رمضـان المبـارك ؟؟
مالي جدول محدد بس الاغلب ..
اقوم الظهر اصلي وبعدها ارجع انام لين الساعه 2
واجلس إذا نادوني خواتي اساعدهم بالمطبخ دخلت
مانادوني ابركها من ساعه
..
بعدين اكمل يومي عاادي كأي فتاه بالعالم بس الغالب
الساعه تسع اهج من بيتنا اطلع
..
ولما تجي الساعه 12 انام واقوم على السحور واجلس يإما على
النت ولا مع خواتي
ولما تجي الساعه 6ونص سبع الصبح اروح انام واقوم الظهر
وهكذا بس إذا كان فيني المطبخ ادخل من اول ما اصحى
رغماً عن انفي
السـؤال الثالث/
ما هي أبرز العادات التي تحرصين عليها خلال شهر رمضان المبارك ؟؟
اقرا جزئين من القرآن كل يوم لازم ..
والله يكتب لنا ولكم الاجر ..
السـؤال الرابع /
كيف تـُنسّقين بين أموركِ الخاصه و متابعة الملتقى خلال أيام الشهر الفضيل ؟؟
عاادي ادخل كل ماحسيت اني فاضيه شابكه المودم
على طول ما اطفيه
حتى بعض الاحيان من زود الحماس ما اسجل خروج
السـؤال الخـامس /
مشروبكِ المفضل & أكلتكِ المفضلة في شهر رمضان ؟؟
مشروبي تانج & اكلتي مقلقل دجاج
وما أكثر شيء تحرصين على تواجده على سفرة الإفطار ؟؟؟
سمبوسة دجاج وشوربه لو ماتتواجد بالسفره الله العالم وش بيصير
بأخواني بيدخلون بحاله هستيريه
<< تصدقون ودي اجرب
السـؤال السادس /
موقف طريف وآخر محرج حدثا لكِ خلال شهر رمضـان ؟؟ (الإجابة إجباريه)
هو مو موقف قصه
الموقف المحرج إلي احسه موقف مخزي وماينسي ابد
برمضان إلي راح باليلة العيد كان عندنا فطر وعشاء
والمعازيم موب غريبين بيت عمي
فقلت عادي بروح المشغل وبرجع قبل الفطر او بعده
رحت مع اختي الكبيره وانا كان دوري قبلها
بس ضحيت بدوري لعيونها << شهاامه
عشان عيالها وفيه فطر في بيت اهل زوجها
وخلصت قبل الفطر طبعا انا في حوسه اول شي
متى بخلص ومين إلي بيرجعني لان اكيد عمي جاو
فأخواني مو معطيني وجه
لا ومن زود فظاوتي لقيت بنت جيرانا بعد هي متزوجه
وكانت متنقشه وانا جلست امسك بنتها وارد على جوالها
والبسها الشيله << ايش الروقان هذا
طبعا بالوقت هذا ثوااني ويأذن
المشكله وين ومين إلي بيردني بيتنا ادق على بيتنا
محد حوله يردون علي البزارين عااد ي الله بأي لغه يفهمون
المشكله محد عااقل بالغ مسلم رد علي
خواتي مايردون , امي تحسبني برجع مع اختي , اخواني
صعبه اطلعهم من المجلس ونفس الشي يحسبوني
برجع مع اختي بس اختي سبقتني
اعمل ايييييه
ارجع مع سواق اخااف احد من المعازيم اصادفه عند الباب
وبيقولون وش مطلعها لحالها وعندهم عزيمه ومتأكده
بيروحون يقولون لاخواني عاد مين إلي بيسكتهم
راجعه من دون مايدرون وبسواق ولحالي يا دا الهنا
اصلا انا هبله ليش رحت بذاك الوقت
فدقت اختي قالت تعاااالي جاو ناس غرب امي تقول اخلصي
ولا ترجعين بسواق قلت مين إلي يرجعني ولد الجيران
قالوا لا لقيته خليه يرجعك
<< فاضين ينكتون
دقيت على بنات عمي قلت دبروا لي سياره احد يجي ياخذني
قالوا طيب بنشوف انا قلت يمكن بيجوني مع سواق
عشان تجي التهمه اخف يعني
تخيلوا وش سوو انا دقيت على ثنتين فقامت كل وحده
تدق على واحد من اخوانها عشان يجي ياخذني
قالوا لي اطلعي السياره برا
لا وكل وحده تكلمني لحالها وانا قلت الي بتجي قبل بركب معها
الساعه صارت تسسسع بالليل
والله انا شوي وبنام في المشغل حلوه ذي وراي عيد
اكملكم طلعت إلا واشوف سيارة ولد عمي المصون مصفطه
ووراها تكسي ثم سيارة ولد عمي الثاني
صراحه لو علي اصور هذيك اللحظه العظيمه
انا قلبي صار يررقع احس جاني زهايمر على تلبك معوي كبدي
وعقلي المصيبه والطامه وين
جايني لحالهم خواتهم مو معهم
كل واحد ساكب وجالس بالسياره
الا واخربهااا واركب مع التكسي إلي بالوسط
يعني ارحم من اركب معهم
لو ركبت الذبيحه بتصير انا مو خروف
اللحين انا بالتكسي واحد منهم استوعب ورجع لقيت سيارته
مصفطه قبل ما اوصل حشى سريييع
وصلت البيت ايدي على قلبي خايفه تكون سيارة المطعم
عند الباب ويشوفني اخوي والله طول المشوار وانا اسب عقلي واشتمه
عشانه شار علي هالروحه
بس ربكم ستر جات بعدي بدقاائق
لا ويوم وصلت البيت مسويه نفسي الوضع عاااادي
وكل شي تمااام وبنات عمي متشققين ضحك
تخيلوا يوم حطوا عشاء الرجاجيل اسمعهم يقولون فلان وينه
دقوا عليه هو ذاك المسكين إلي لسه ماجا ينتظر
وخواته مادقوا عليه كيفهم اخوهم << مالها شغل
بس والله قمممة الاحرااج يوم طلعت الاقي سياراتهم
واركب التكسي واسحب عليهم
خواتهم فشلووووني الله يفشلهم
الله يزوجهم بعبد ماله كبد آمييييين
" الموقف الطريف "
وانا صغيره عمري سبع يمكن ..
قلت لبنت عمي قومي دقي على المطافي وقولي
تعالوا في بيتنا حريقه كنت في بيتهم
وهي خبله راحت ودقت
والاخبل منا كلنا المطافي الي صدقت كلام بزره
وجاات ومالقيناها إلا عند الباب
بس ما انسى يوم قلبوا الدنيا على مين إلي دق
وانا ساكناً لا يتحرك ما كأني مسويه شي
بعدين اذكر صادوها وياهي خذت علقه متحرمه شي شي
شفتوا مقبض الباب مدري وشلون علقوها فيه
قسم بالله علقوها فيه مدري ربطوها من شعرها
من ربطتها مدري من رموشها
بس شكلها مانسيته راسها مدنقته زين ما انكسرت رقبتها
وعمي يقرص اذنها
وانا جالسه امرمر من عندها مترت المكان متر متر
ولا قالت انه انا إلي قلتلها ياحبيلها بس
اخاف من القرصه نست وش السالفه اصلا
السـؤال السابع /
كيف هي أجواء رمضان في المدينة التي تسكنينهـا ؟
الشرقيه اوووم الزحمه , بس يازينهاا
وما هي أبرز الأكلات المشهورة والعادات والتقاليد خلال هذا الشهر المبـارك ؟؟!
طبعا بما أني سعوديه فأي شي غير الكبسه مايعتبر سحور
بذاات اهل الدوامات تشوفه ماكل قبل نص ساعه 2توست
وبيض وقشطه وببسي ويقولك ماقلت شي
السـؤال الثامـن /
بـالنسبة لكِ .. ما هي المتغيرات التي طرأت على رمضان قديما وحاليا ؟؟
اول كان بشكل ابسط بكل شي حتى بالفطور من دون تكلف
اللحين مظااهر ..
السـؤال التاسع /
كلمة أخيرة تبين إضافتها ..
شاكره استضافتكم لي ..
اشكر طاقم الاشراف
SaD HeAT,, شرقاويه موووت
ويارب اني كنت ضيفه تنبلع وماثقلت عليكم
وادري اجاباتي طويله بس لازم اوصف وواعبر
بذمه اللقاء مايجي إلا مره بالعمر
ولازم اضعكم في الحدث والصوره
<< قلبت الجزيره
وينك يابوي ان تعرف اكثر << اللحين العربيه
<< اقرب باب بررااااااااااا
وكل عام وانتوا بخير وصحه وسلامه
وينعااد عليكم وانتوا بين اهلكم وناسكم وماتفقدون غالي
