كيف ما هَمّك تجين ؟!
كيف تغتالين ,
أصوات العصافير الحزينه ,
في سنابل , مِنْ حنين ..
كيف مينائك ,
يباعدني عن دروبك ..
ويتركني , حزين ..
كيف يرضيني السفر ..
في عيوني مِنْك ..
وعيوني مِنْ الحسره ,
تبين ..
جاوبيني ..
صرختي صارت [ مدينه ] ..
مِنْ سنين !
سالفة صمتي , من الغربه ,
خذتني ..
حتى أبحث عنك ..
في وجيه العابرين ..
يمكن ألقى لِك فجر ,
وإلاّ شبيه ..
أرسمك إشراقه لاحت ,
في زحام الغائبين ..
وأدري إنّك مستحيل ..
ودي أنسى , علميني درب يمشي للرحيل .. !!