أنا ..
الغياب اللـي أخذ فرصة لقانا ما عطانـي
.................غير غربه ما ذخرني بردها ولا ضماها
يالوفاء ما لك وجه .. واصحابي اقربهم نسانـي
............... بين جمر الذكريات ونار الأشواق وسناها
أحترق وأقول كان الماء ما جابته السواني
............. حس بمعاناة روحي يا السراب وصير ماها
استرق نظرات أماني من شبابيك الأماني
............. أتنفسها من الضيقة . . . وأسافر في مداها
واقعي عليه لو ابني من أوهامي مباني
.............. الظروف تهدها .. وتهد حيل .. اللي بناها
كل مـا شح الزمان بحلم والواقع عصاني
.............انسج من جروحي لروحي كفن يحفظ بهاها
ودي إن عيون غيري مثل ما ودي تراني
............. ما علي من ودها والنفس أنا أدرا في خفاها
المعزه غاليه .. والعمر مثل المال فاني
............ والعيون اللي تبي عثراتي .. أكثر من سواها
ابتسم وارسم على وجهي ملامح شخص ثاني
.............. ما عليه اكذب على نفسي وتسكت من حياها
حتى لو لسان واقع حالي يكذّب لساني .. ؟!
.....................الجروح إن طيحتني مقدر أدوّر دواها
فمن أنتـ/ي ؟