نسى صوت الحبايب لا يناديني وخفت انسـاه
وقلت املى يديهم بالقصايـد قبـل ينسونـي

وطيت ارض القصيد وكل زادي دمعتين وآآآه
على الله ما حسبت حساب لضيوفٍ تحرونـي

اببني لليتيـم احضـان أم وللحزيـن شفـاه
وابقطف للهوى اجمل ورودي لـو تلومونـي

ابطعن كل جرح بحرف حتـى ينتثـر معنـاه
وابدفـن اي معنـى ينتثـر واقـول لمّونـي

انا ماهمني لاصار سيلـي عـارفٍ مجـراه
ابفرش ضحكتي بعيون كـل اللـي يمرّونـي

انا لاني طريق ماحد يصبـر علـى ممشـاه
ولاني درب اخضر كل من جونـي تمشونـي

انا اللي عاهدت يمنى المحبه والوفـى يمنـاه
متى نوفي واصافح ناس من طبعي ومن لوني

وانا اللي ترسم اقلام الاوادم ضحكتـه وبكـاه
عسى تغريهم شفاهي ولايـدرون بعيونـي..

قصيدي اكتبه واخفيه وعيون الصقـر تقـراه
ويقرون العصافير التعب والجـوع وجنونـي

















من رآئعة / علي الضوي .