يامرحبا ترحيبتن مالها عد
لاعدها العداد ضيع عددها
.
اكثر من الازهار واكثر من الورد
واكثر من امطار الغيوم وبردها
.
القلب لك ياسيد القلب من شد
والروح تبغى الوعد واللي وعدها
.
ومادام جيتيني وجيتي على الوعد
يامرحبا ترحيبت ام بولدها
.
ألها ثمان سنين عنه تنشد
واليوم جاها علم انه وجدها
.
وصارت من الفرحه تصيح وتردد
يامرحبا مليون جاها سعدها
.
هذا شعوري يوم شفتك بعد صد
من بعد ماحبالك تحلحل عقدها