نشف ريق السراب.. ولا ملت عين الطريق خطاه ..
قسا طين الكلام ولاقسا .. زاد البلل طينه ..!
شرب مر السكوت من الحروف اللي تبي تقراه ..
وسجد كفر القصيد لدفتري لين اعتنق دينه ..!
غرقت اكتب كلام مانجيت الا ..عشان اقراه ..
ونجيت اقرا عذاب ماغرقت اكتب عناوينه ..
ترا هذا الصواب اللي خطاه ان الصواب اخطاه ..
وأنا هذا الصويب اللي خطاك انك تحبينه ..
أنا هذا الحضور اللي غيابه ماعرف يلقاه ..
وأنا ذاك الغياب ..اللي حضوره ماعرف وينه ..؟!
أنا ذاك البعيد اللي يموت..! ولايعيش اقصاه ..
وأنا هذا القريب اللي مبعثر بينه وبينه ..
انا (صوت السكون) اللي سمع غنج الصدى واغواه ..
بكى حتى بكى .. حتى .. بكى من حسرته عينه ..