انـت خلّيتنـي البـارح ,, وانـا ماخليـت
شاعرك ,, كل دمعـه طـاح مـن محجـره
احسـب انّـي بقـاوم ضيقتـي لامشـيـت
ماهقيـت الفـراق يهـز فيـنـي شـعـره
صاحب الليل ,, شوف الليـل لمّـا سريـت
مرني ,, بس من دونـك عجـزت اسهـره
لاتلوم الدموع ,, ان ضاع حلـم ,, وبكيـت
جـرّب تحـب واحـد ,, عقبهـا تخـسـره
من كثر منت غالـي ,, بالطـواري لفيـت
يـا أول انسـان ينسانـي ,, وانـا اذكـره
خلنـي اسكـر عيونـي مـتـى مابغـيـت
مقـدر اشـوفـك الا وعيـنـي مسـكـره
لاتحسب الجفـا عـادي ,, وانـا ماسليـت
كل طـاري يجيبـك لـي ,, اقـوم اشكـره
اذكر الحب ,, وانسام الصباح ,, (( وياليت ))
وكيف كنّا نذري الشـوق ,, تحـت شجـره
نص ذيك المشاعـر مابقـت ,, لـو بقيـت
صـح باقـي مشاعـر ,, لكـن مبعـثـره
خافقي ,, لايطيح العـزم ,, كانـي شكيـت
كم عاشق وصل خله ,, وخلـه هجـره ..!
استحت عزّتي مـن ضيقتـي ,, واستحيـت
خايف اقول سبّة ضيقتي ,, مـن مـره ..!