ملتقى طلاب وطالبات جامعة الملك فيصل,جامعة الدمام - عرض مشاركة واحدة

الطاير · 2011- 8- 11

اقتباس:

المشاركة الأصلية كتبت بواسطة انقلش

ممممممممممممممممم

اه على ايام اول

كنت اسهر مع خواتي ونسوي شاي ولا نصبه الا في براد الشاي القزاز حق طقم السفره
عشان نستخدمه مع الاكواب حقته والسكريه ونعمل فيها بريستيج

عاد انواع الاستهبال لازم مانشرب الا رافعين اصبع اليد الصغير مدري هو بنصر مدري خنصر
ونثقل اصواتنا زي انسه منشن

مدري وش هالجو بس كنا نموت ضحك .. وطبعا لازم نغسله بعد مانخلص ونرجع كل شي زي ماكان ولا تحس امي بشي ولا فضحنا الا اختي عصبناها وراحت قالت علي وعلى اعدائي وعلمتها .. الله يقطع سوالفك يا اختي الشريره

كنا نجمع الدواشق ( الطراريح ) وننط عليها من فوق دولاب الملابس ولا اقدعها قفز حر ... مدري من شافنا و قاموا قلدونا واخترعوا سالفة القفز المظلي والحر و بالحبل ووو

اما عني فبحياتي ما فطرت من ورا اهلي لأن تعب الصوم اصلا متعه مدري عن باقي العصابه

كنا نجمع المساند ( مرات قليله ) ونسوي جبهتين ونجمع الالعاب الصغار ونحذف بعض فيها والشاطر طبعا اللي يتفاداها بس احيانا كانت تسبب كلاكيع بجباهنا

كنا نفتح شباك غرفتنا احنا يالبنات بعد الفجر ونجلس نطالع لمبات الشارع متى تنطفي ... ام الفراغ ... نسويها في اوج الزهق بس والله الجو بعد الفجر يااااااااخذ العقل للان .. متشبع بالاوزون ويفتح النفس ويبعث ع النشاط..

وش بعد ...... امي وابوي الله يجزاهم خير عودونا ع القراءه والاطلاع فكنا كثير نقرا .. و نلعب العاب الذكاء .. الشيطنه اقل يعني ..

موضوع حلووووو يسلمو

وين راحت سالي يبنات