|
رد: ان تخسرني لتكسب غيري فهذا من شأنك ,, لكن ان تخسر غيري لتكسبني هذا مالا ارضاه
على ذِيك الدروب اللّي / مِشت خطواتنا فيهـا
سرت أحلامنا عجلى وحلّت دونهـا حسـرات
تلاشت ضحكة أحبابي / وجـوٍّ كـان محييهـا
توطّن بالحشا فرقا / وزادت بالصـدر طعنـات
طلبت { إحساس جمّعنا } يـرد أيـام نبكيهـا
يرجعنا لذاك النور / ونزرع بالفرح ضحكـات
رجيت عْهود يالغالـي حسبـت إنّـا نوفّيهـا
حسبتك ما تقاطعني وتتركني بـدون صْفـات
علامك ما ترد الصوت ..! وأشواقك تخبيّها..!!
علامك ما تجاوبني وتقتلنـي جفـا وسْكـات
حبيبي كان تسمعنـي تـرى أيامـي مجافيهـا
بعد ما غابت علومك هناها والأمـل بالـذات
وتخنقني حروفي صمت عجـز بوحـي يهدّيهـا
وتغزيني سهامك لين / أجـرّ بداخلـي آهـات
تنطقني دموعي بوح عجـز صمتـي يداريهـا
وتفضحني براءة عين ملاهـا وقتهـا بدمعـات
أنا من غابـت طيوفـك / وأحزانـي أناجيهـا
أنا من زارني بُعـدك كتبتـك بالحنيـن أبيـات
أنا فـي حبنـا طفلـه / وأشواقـك تناغيهـا
وصالك بسْ يرضيني / وقُربك أطيب الحّـزات
تعال ونوّر أوقاتـي / تعـال وعلّتـي إشْفيهـا
تعال وداو لي جـرحٍ يزيـد بْغيبتـك ونّـات
وربّي لو تبـي عينـي فـداك العيـن وراعيهـا
لإنّك داخلي موطن وشوفـك يبـري العـلّات
فداك الكون وأيامـي فـداك الـروح وإنهيهـا
مدامي ميّته بيدك { تراها أسعـد اللحظـات }
|