|
رد: الخيمه الرمضانيه ,,,, تجمع للطلاب وطالبات ساحة التعليم عن بعد
الصديق
كان الصديق وكان مضرب للامثـال
يهـذي كـأن الله خلقـه فـقصيـده
يطرب إذا سمّعته الشعر بهبـال
يرد قاف العجـز وارجـع واعيـده
يحفظ سِيَر عشّاق وابطـال أبطـال
وفكـل قمـرا لـه ملامـح جديـدة
طاهر وأكثر حيل من طهر الأطفـال
تشعـر معـه إن الأمانـي سعيـدة
طيّب كريم وتسبـق اقوالـه افعـال
بالمختصر يعني .. وليده / وليـده "
يحلم وأحلامـه عريضـات وطـوال
أصغرهن انه يلمـس الشمـس بيـده
يعني كذا .. تقدر تقـول انـه ارتـال
من أمنيـات وصبـر حـاول يبيـده
عيبه فقط .. لـو أن أمانيـه بريـال
يسكـت لأنـه عايـشٍ عـالحديـدة
كنّا نفضفض للشوارع عـن الحـال
ونشعـر معـاً إن الليالـي بلـيـدة
نهيـم ونغنـي لـلاحـزان مــوال
ونهدي عصافيـر الصبـاح لنشيـده
مرّه تضايق .. قلت له : كيف الاحوال.؟
حشرج وكسّر دمعتـه فـي وريـده !!
يقول تدري : هالوطن صعب ينقـال
اكتبـه ياخـي مثـل ماحنـا نريـده
آنا انسرقت وما خطر لي علـى البـال .:
إن الأمانـي فـي بـلادي زهـيـدة ..!!
ضيّعت عمري ابني احـلام وآمـال
وما كنت احسب اشيا بسيطة بعيـدة
ما كنت احسب الشمس تحجب بغربال
ولا كنت احسب الصدق : يصبح مكيدة
لوكنت راعي (......) وانسـان حيـال
يمدي رصيدي ممتلي مـن رصيـده !!
شفني غديت من الوهم كلـي اسمـال
أحزن ليا حـان احتفالـي فـعيـده
واقف على رصيف الاحـلام بطّـال
وبكره عيالـي يارثـون الحديـده
|