|
رد: ابي التعليم عن بعد عشان احول للانتظام
كل المتطلبات اللي ذكرتيها سهله جدا
بالنسبة للعدد الساعات والمقررات والخطة الدراسيه فموضوع الأخت ذكية الله يعطيها العافيه وراح يفيدك كثير :
http://www.ckfu.org/vb/t164202.html
بالنسبة لل30 درجة :
هذي اعمال فصلية موزعه كالتالي :
10 درجات : للمحاضرات المباشرة والمسجلة
10 درجات : للواجبات
10 درجات : للمناقشة
بالنسبة للمحاضرات راح يكون فيه 14 محاضرة مسجلة لكل مادة بمعدل محاضرة كل اسبوع لابد تشوفينهم ومايشترط السرعه في الاتصال ابدا لأن الوقت مفتوح لك من أول الفصل الدراسي الى ماقبل الاختبارات .. المهم تفتحين المحاضرات ال14 وتشوفينهم ،،
وراح يكون فيه محاضرات مباشرة بمعدل 3 محاضرات لكل مادة ويتوجب عليك حضورالمحاضرات المباشرة وسواء حضرتيها مباشرة اي وقت بث المحاضرة او ماحضرتيها مباشره فراح تلقين المحاضرات المباشره تم تسجيلها وتقدرين تشوفينها وراح تحسب لك الدرجة كما لو كنتي حضرتيها مباشرة ،،
بالنسبة للواجبات راح ينزل كل دكتور 3 واجبات لكل مقرر والواجبات سهله وحتى لو ماعرفتي الحل راح تلاقين تعاون من الاخوان في المنتدى ولك اكثر من محاولة في الواجبات وهي مفرقه تقريبا كل شهر واجب وطريقة الحل سهله جدا عباره عن اختيارات بنفس الواجب كل ماعليك اختيار الفقرة الصحيحة .. وعادة تكون قصيره من ثلاثة الى خمسة اسئلة .
بالنسبة للمناقشة :
كل دكتور راح ينزل 14 سؤال للمناقشة لمقرره ويفترض عليك تشاركين برد سواء كان الرد صحيح او غير صحيح تحتسب لك الدرجة بس المهم
يكون اسمك ضمن الاسماء اللي ردوا ويكون الرد في صلب الموضوع .
يعني بالمختصر المفيد كل المتطلبات هذي سهله جدا لو نظمتي وقتك ماتاخذ منك ساعه او ساعتين بالاسبوع ، وتضمنين 30 درجة تعينك على النجاح باذن الله ،،
وبالنسبة للكتب الأغلبية من اساتذة الجامعة يطالبون الطالب بالمحتوى اللي اللي موجود وانا عني اشتريت كتابين ومافتحتهم نهائيا يعني الاختبار راح يكون من المحاضرات المسجلة وراح تلاقين منزل لكل محاضرة محتوى كتابي هو المطلوب بشكل كبير . ولو فيه دكتور مااعتمد على المحتوى فاكيد راح ينزل ملخلص للطلبة مكان المحتوى ويكون هو البديل للمحتوى .
بالتوفيق ان شاء الله ،،
|