ليه تزعل يا حبيبي .. وانت تعرفني أبيك
وان حبّك في حياتي يعني الشي الكثير
مو نحتّك في ضلوعي واستلذيت بهواك
مو عشقتك من ضميري في زمن مابه ضمير
مو غديت النور ياللي نوّر بليلك سماك
مو نسيت الكل لجلك .. واعتبرتك شخص غير ؟؟
وبعد تزعل ..؟؟ يا حبيبي طالع احساسي معاك
شوف ماضينا وتذكّر كل صدّ وكل خير
والله انّ تشوف كف الخير ترجح من غلاك
لنني من كلّ قلبي .. همت بك ياْ اغلى عشير
اذكر ايام البدايه كيف كان الارتباك
كيف حتى الكلمه (( أ عّ ج ز )) نطقها لك واستثير
يوم احسّ بنبض قلبك يشبه لقرع العراك
والعرق صبّاب وايدك تشبه لجنحان طير
يوم لا من قلت (( أ ح بّ ك )) قلت (( يجعلني فدااك ))
كلمه اصدق من دموع اللي تظلّم من أمير
يا غذا روحي .. ونبضي .. لا تعكّر من صفاك
المحبّه دوّم تبقى لو يصير اللي يصير
وافرض أنّا انتهينا .. والقدر مابه فكاك
والله انّ تضلّ غالي دام يبقى بي زفير
بسّ .. لا تزعل دخيلك .. وان تذوّقت الهلاك
اذكر اني (( موووت أحبك )) واجعل الدنيا بخير