عليكم السلام ورحمة الله وبركاته
والله ياخوي يعتمد حسب رغبتك وميولك ..
بكلية علوم الحاسب وتقنية المعلومات في جامعة الملك فيصل عندك عدة تخصصات :
علوم الحاسب
نظم المعلومات
هندسة الحاسب
الشبكات والإتصالات
وتعطيك درجة البكالوريوس ..
أما بالنسبة لكلية الجبيل الصناعية .. لما قدمت يعطيك خيارين أما إداري أو تقني ..
وجميع تخصصاتها تعطيك درجة الدبلوم .. وتقدر تكمل البكالوريوس ببعض التخصصات وليس جميعها إذا حصلت على معدل عالي في الدبلوم ..
وأيضاً شهادة الدبلوم من كلية الجبيل الصناعية جداً قوية ومطلوبه بكثرة .. بالأخص التخصصات التقنية ..
ومعظم المتخرجين منها متوظفين في سابك وأرامكو والشركات التابعة لهم .. وأيضاً الراتب الشهري معقول ..
أما جامعة الملك فيصل , يعتمد حسب رغبتك بالتخصص اللي راح تدخله ..
وبالتأكيد إذا اجتهدت وابدعت وتخرجت بمعدل عالي .. بإذن الله راح تتوظف بشركة محترمة وبراتب ممتاز ..
ولكن أنت من البداية حدد ميولك ..
وتأكد بأن أي تخصص تدخله بدون رغبه وفقط الهدف منه هو الحصول على الراتب .. ماراح تبدع فيه وبيكون عليك صعب ..
أختار اللي يناسبك حسب ميولك وهواياتك حتى تحس بالمتعة وانت تدرس .. ماتكون المادة اللي تدرسها غصباً عليك ..
وبالأخير .. استخير ربك وشوف راحتك وين .. وعسى الله يوفقك
..
مودتي وتقديري,,