|
رد: احتاج لك~~ بدنيا قست فيها قلوب البشر
لا تسولف لي وجع خوف المنافي .!
الوطن حلمي يسولفني واغيب .!!
في شوارعنا الحزينه كنت : غافي .!
ملتحف حزني ونظرات الغريب .!!
من قريت الناس ايقنت اختلافي .!
لا وطن فيني ولا صدر ٍ رحيب .!!
قلت لـ أحلامي البسيطه لا تخافي .!
غصنك الشاعر: وغرّد عندليب .!!
لو أخاف البوح: ضيّعني ارتجافي .!
القصايد شمس والدفتر مغيب .!!
مانشيتي الحزن والدمعه غلافي .!
لاشعرت بغربتي مالي صحيب .!!
ياربيع الحلم كسّرني جفافي .!
حارت اقدامي على اطراف النصيب .!!
لو تهزّ من القصايد كل : خافي ؟!
ما يطيح إلا ولد عم وقريب .!!
آآه من دمعة عزيز ٍ ماتشافي .!
عفّة المحتاج جرح ٍ مايطيب .!!
كم بكيت البرد من قسوة لحافي .!
يوم بعض الناس تبكي للحبيب .!!
شوفني أهديت وجهي لـ السوافي .!
ما معي إلا أنا وليل ٍ كئيب .!!
ممتلي بالأسئله لـ آخر مطافي .!
كنت أنا ويّاي: نبحث عن مجيب.!!
ومامعي الا انا ونفسي
وشلون تجي ذي
هي جت وانتهينا
|