انتظـرتــه وقلبـي احساسـه يقــول صـوت خلي اليوم ما أظن أسمعــه
الخبـر عنـدي وغـيـبـتـه بتـطـــول وقتـي مـن اليـوم حسابه باجمعــه
ضـاق بـي صدري وأدوّر لـه حـلـول فـي ضميـري نـار شوقـي مولعــه
عشـت فـي دنيـا أدور بهـا وأجــول عشت فيها بضيـق وعايشت السعـة
ما لقيـت اللي علـى دربي صمـول كـود بعـض النـاس وقتــه يمنعـــه
روضتـي جفّـت وأنـا خلـي سيــول مبعـــدٍ عنـي وقلبــي يـتـبـعــــه
طبعها اللي يوصف بالطبع الخجول بيــن كــل النــاس عنـدي أرفعـــه
الغـريـب اللي أسـولـف لـه وأقـول عن هـوى نفسـي كلامـي أقـنـعـــه
ما يـلام اللـي مثـل حالــي يـنـول لـو قضـى ليله يســاهر مدمعــه
لي على الغـالي وشوفـاتـه ميــول مـن زود شوقـي لغرامـي أصنعــه
لـو حصـل لي شوفتـه همي يـزول وقتهـا أنسـى البشر وأجلـس معــه
أذكـر إني بغـيـبـتـه دايـم أقـــول هـو حيـاة القلـب هـو لـه مطمعــه
فرحتـي يـا رحال بيــوم الوصــول بافـرح لـقـلـبـي بهــــمٍّ ودّعــــــه