|
رد: ان تخسرني لتكسب غيري فهذا من شأنك ,, لكن ان تخسر غيري لتكسبني هذا مالا ارضاه
.. صباح الحب ياروح همس الحب..
||صباح||الشوق والحنين||
على نور الصباح الجو هادي والمطر هتّان
نسيمه عْذب واطراف السحاب الغر تغريني
وانا شاعره شعوري مثل طيراً يكفخ الجنحان
يوديني وانا ادري وين لاجاني يوديني
يوديني مع احلى صَبح لاحلى عشق ضْم انسان
والا يارب صبّح بالغلا عشقي ومغليني
صباح الخير،،ياأطهر قلب كْن الحب والتحنان
صباح الخير،،ياعشقً نبت داخل شراييني
صباح الخير،،ياحبً بناء له بالحشاء مسكان
صباح النور،،يانورالصباح،، وشمعة اسنيني
صباح الحب يالحب العظيم وياعظيم الشأن
قبل يدبر صباح الخير لو ماعاد يمديني
بعْدها هاك قلبي يافرح قلبي دوا الآحزان
ابا امد إلك قلبي ياغلاآآي ابراحة إيديني
خذه وتشوف حبك داخله يادْر يافتان
وإذا ماكفاك اخذ عيني عسى تفداك ياعيني
اخذ وحده وخل الثانيه لمواجه الخلان
عشان اشوف وجهً عن جميع الناس يغنيني
ليا حسّيت في صدري من صدوف الزمان الوان
من انواع العذاب الي معذبني وموذيني
اجي لك جايعٍه هايمه واجي لك وارداً عطشان
وتشبعني سعاده يامعذبهم وترويني
فديتك من صباح اليوم لآخر صبح فالازمان
فديتك لين ساعات السنين بموت تطويني
فديتك ثم فديتك ياغرام العاشقه الولهان
على وجه الصباح وقبل ذاك اليل يمسيني
|