الي متـى قلبي أسيــرك....
الي متى عيني تهـــلّ
الي متـى أبكي هجيـرك
وأنت يمي لك محــــل
أرتعــش اللــه يجـيـــرك
قلبـي اللي ما يمــــلّ
يشتكي قسـوة ضميـرك....
كيف تخدعني وتحــــل
ما عطيت الـحب غيــرك
وأنت تجرح ما تمــــلّ
لا تقول لي ما أبي غيرك
الكـذب مـا يكتمــــل
عــاذلٍ مـوّت ضمـيــرك
مبعدٍ عنــه الخجـــــل
ما لـه إلاّ فـي عشـيـــرك
طعن وسيوفٍ تســـــلّ
وأنت راضي به يسيــرك
كيف دربك ما يـــــزلّ
يا حسـافـه طـار طيــرك
مدمـيٍ جرحـه يهــــلّ
وانطفـى نجـمٍ ينيـــرك
وأنا أبي حـلّ للأجــــل
كثّـر اللـه ألــف خيـرك
تهـدي المـوت بعجــــل
تهـدي المـوت بعجـــل