.. اول شي لا تحط ببالك انها معاناة او انها صعبه وبتصير أسهل ..
وبالنسبة لتركيب الجمل .. أول شي لازم تتأكد هل أنت فاهم كل قواعد اللغة ؟ القرامر
يعني استخدام الأزمنة او الضمائر وحروف الجر وكذا .. هل تستخدمها بالشكل الصحيح ؟
وهالشي راح تعرفه من خلال الدراسة اوو اذا عندك كتب قرامر اوو مواقع النت ..
يعني معلومة سريعة :
- الجملة في اللغة الإنجليزية تتكون من :
فاعل (Subject ) و فعل (Verb ) ومفعول به (Object )
- ترتيب الجملة في اللغة الإنجليزية :
الفاعل أولا ثم الفعل ثم المفعول به
وثاني شي تبتدي تكتب مواضيع قصيرة وبسيطه مثلا تتكلم عن نفسك اوو عن رأيك باي موضوع
وتعرض اللي تكتبه على مختصين اوو حتى لو حبيت هنا عندنا بالمنتدى وان شاء الله كلنا نساعدك ..
ثالثا .. القراءة ثم القراءة ..
حاول تقرأ كتب خارج مجال دراستك عن أي موضوع انت تحبه .. بس تكون قراءة بتركيز .. تشوف طريقة الجملة شلون ..زمنها الضمائر المستخدمة وكذا ..
اللغة الانجليزية مرنة وسهلة بس يبي لها صبر ..
واذا احتجت اي مساعدة .. ان شاء الله الأعضاء ماراح يقصرون ..
بالتوفيق ان شاء الله ..