اللي مو عارفة تشوف الجداول أو تسجل مواد :

1/ الخدمة الذاتية _مركز الطلاب _ بحث عن فصل _ الفصل الدراسي الأول 2011-2012 _بحث _بيطلع سينتج عن البحث اكثر من خمسين فصل هل ترغب في المتابعة ؟ _ نعم

أفضل انكم ماتحددون القسم عشان تطلع كل المواد اللي تخصكم من الأقسام الثانية

2/ وتطلع لكم مواد على شكل جداول فيها شعب النظري والعملي والوقت والأيام وبعضها بتطلع اسماء الدكاترة وفيه شي من فوق اسمه عرض كافة الأقسام عند كل مادة إذا ماطلعت كل الشعب اضغطوا عليه وإذا كان مو مفعل معناته خلاص كل الشعب طالعة

الحين بنفرض ان التسجيل فتح:

3/ مثلا نبي نسجل مادة الأطياف الذرية والجزيئية : بتلاحظون ان فيه مستطيل عند كل شعبة مكتوب عليه تحديد فصل <<< كان موجود العصر بس الحين اختفى
المهم نختار شعبة النظري اللي نبيها ونضغط على تحديد فصل

3/ بتطلع لنا شعبة النظري اللي اختارناها + شعبة العملي التابعة لها تلقائيا << يعني لو وحدة تبي تاخذ النظري مع مجموعة والعملي مع المجموعة الثانية لازم تقول هالمشكلة للمسؤلين عن التسجيل

4/ نختار العنصر التالي بعدين تطلع رسالة بالأخضر تم اضافة (رمز المادة) إلى عربة التسوق الخاصة بك وبنفس الصفحة من فوق موجودة عربة التسوق وطالع فيها هالمادة

5/ نضغط على بدء بحث جديد عشان نسجل مادة ثانية بنفس الطريقة

6/ وإذا خلصنا كل المواد اللي نبيهم بدون مشاكل نروح لعربة التسوق بنلاقي فيها كل المواد اللي سجلناها نحدد المقرات كلها يعني نحط صح عند كل مقرر بعدين نضغط على تسجيل

7/ بتطلع لنا صفحة ثانية كل موادنا فيها نضغط على إنهاء التسجيل

8/ بيطلع جدول مكتوب فيه رمز المقرر / نجاح : تمت اضافة الفصل الى الجدول الخاص بك / الحالة علامة صح خضرا وإذا نبي نشوف موادنا نضغط على جدول الفصول

اللي حابة تسجل كل مقرر لحاله وتأكد تسجيله لحاله

الخطوات من 1 إلى 4 نفسها

5/ نضغط على على عربة التسوق بتطلع هالمادة اللي سجلناها نحددها يعني نحط صح عندها بعدين نضغط على تسجيل

6/ بتطلع لنا صفحة ثانية وطالعة فيها المادة نضغط على إنهاء التسجيل

7/ يطلع جدول مكتوب فيه رمز المقرر / نجاح : تمت اضافة الفصل الى الجدول الخاص بك / الحالة علامة صح خضرا وإذا نبي نشوف المادة نضغط على جدول الفصول وإذا نبي نضيف مادة جديدة نضغط على إضافة فصل آخر

الشرح هذا شي من تجربتي لأن التسجيل لما كان فاتح وقفت عند عربة التسوق واضطريت اقوم عن النت وبعدين سكر وشي أخذته من المواضيع سواء من هنا أو من منتديات النقاش و صغته بأسلوبي

وفي طريقة استعراض الكاتلوج بس تعالوا دوروا رقم المقرر بين هالحوسة وكل مادة في مكان أنا ماعجبتني

بس هذا الرابط مشروح بالصور لطريقة تسجيل كل مادة لحالها بس أنا متفلسفة زيادة

http://forum.ud.edu.sa/showthread.ph...1%C7-%F0%F2%F3

الله يفرجكم عليكم ويسهل عليكم التسجيل ومابعده

دعواتكم