قبل الغرام وقبـل مااصيـر .. مغليـك
أعاهدك مااقول : غير ..( آمر وسـمْ )
حتى لو إنك قلت : برحـل .. وأخليـك
بقول لك : تامر علـى ماتبـي .. تـمْ
رايح أكون إنسـان .. يفهـم مباديـك
أشاركك بالضحك .. والحزن .. والهـمْ
مهتم بكْ .. وأغلي بعد من .. يخاويـك
ومن لايهمك مانـي بـفيـه .. مهتـمْ
بفتح لك .. بصدري وقلبي .. شبابيـك
وأنقش غرامك وأرسمه .. داخـل الـدمْ
وإنْ جاك نوم .. رموش عيني .. تغطيك
غمض عيونك وسط عيني وثـم .. نـمْ
وان قلت لي وش كبر حبي بخافيـك ؟؟
أقول أحبك .. بس .. مدري أنا كـمْ !!
أبيـك تسرقنـي .. لروعـة مراسيـك
وأموت بك موتة غريق ٍ .. وسـط يـمْ
أبيك تدرك يـوم انـا جيـت أماشيـك
قصدي تكون أقرب من .. الخال والعـمْ
قصدي تبعثرنـي .. اليـا مـر طاريـك
وأحنْ لك .. وأجيك .. ملهوف ل اللـمْ
لكن ..!! لو إنك قلت : برحل وأخليك!!
بقول لك أبشر .. علـى ماتبـي .. تـم