|
رد: آخر أخبار التسجيل و القبول في الجامعات و الكليات للعام الدراسي 1428هـ/1429هـ
P!nk
اقتباس:
ممكن استفسر عن طريقه التسجيل بالنت
شلون تتم..!!
ولالازم اسجل بنفسي
اممممممـ
|
التسجيل عن طريق الإنترنت ما فيه صعوبة أبداً ..
و إن شاء الله الجامعة رايح تقدم شرح مفصل و بالصور عن كيفية التسجيل
و إذا ما حطوا شرح يا P!nk .. أوعدك أني أشارك بموضوع و فيه شرح مفصل عن كيفية التسجيل 
اقتباس:
وبعد ابسال
قسم الحاسبـ والتغذيه باي فرع موجودين بالاحساء ولا بالدمام
معليش ياكثر هرجي
الله يعافيكم ردوا علي..
|
قسم الحاسب هذا في كلية العلوم الإدارية و التخطيط .. في الدمام و برضو في الأحساء
بس كلية العلوم الإدارية ما فيها قبول مباشر للطالبات .. لازم تدرسين على حسابك سنتين في كلية الدراسات التطبيقية و خدمة المجتمع و إذا أخذتي معدل 2.75 من 5 و أكثر .. تقدرين بعدين تكملين دراستك في كلية العلوم الإدارية و التخطيط لمدة سنتين و تتخصصين و يعطونك الجامعة مكافأة ...
باختصار ... تدرسين سنتين على حسابك في البرنامج التأهيلي في كلية الدراسات التطبيقية و خدمة المجتمع و بعدين تكملين دراستك مجاناً لمدة سنتين في كلية العلوم الإدارية و التخطيط و يعطونك الجامعة مكافأة بعد !
يعني مجموع سنوات االدراسة هو 4 سنوات
قسم التغذية هذا في كلية الزراعة عندنا في الأحساء
إذا عندك أسئلة ثانية يا P!nk تفضلي .. أسألي و لا تترددي
لازم تقررين و تختارين أي كلية رايح تسجلين فيها
وهذا مستقبلك ... فكري بشكل جدي
|