****
***
**
*
ماعاد القلب يتحمل بعادك والهموم جداد***ياخلي طالت الغيبه وانا احزاني تأسرني
طواني الوقت بغيابك وانا مع همي المعتاد***واحس الوقت من بُعدك .. من النظرات سجاني
سجمي الوقت وانا أتأمل ورجيت الوقت بس مافاد***ووقف وقت هالدنيا .. يناظر دمعة اعيانــــي
ثواني الوقت كالساعة .. ويومي لو مضى اعياد***تجف الدمعه من عيني لرجوى يومي الثاني
يقولون الغريب اللي تغرب عن وطن وبلاد***واقول الغريب شفني غريبٍ داخل اوطاني
بدت غربة زمان اللي كتب للحزن به ميلاد***ودفن في غربته فرحة .. وحلمٍ كان يغشاني
الا لو القدم تخطي وتزيده الليالي بعاد***يشوف الدمعه اقرب له من الخطوة اذا جاني
انا ذاك الغريب اللي بلا ماءٍ ولا له زاد***مشيت الدرب متعني .. ادوّر ارض خلاني
غيابك والله بعثرني .. ومشاوير الدروب ابعاد***مابين الحزن واللوعات وعناي ووقتي واشجاني
عواصف هبت بصدري ونار الشوق بي وقاد***بريح الشوق تدعمها .. الين ماثار بركاني
يثور الشوق في صدري حرم عيني لذيذ الرقاد***وانا ياكيف اتحمل .. وصبر القلب بي فاني
ياخلي طالت الغيبه وهم القلب منها زاد***ببعدك مااشوف الا سوادٍ يقتل الواني
مادام اني على بالك عساني للعنا طراد***ولو جارت ظروف الوقت حشا مااطريها بلساني
واذا انك ناسيٍ ذكري عسى الانفاس ماتزداد***وعسى موتي يناديني اذا فكرت نسياني
ماعاد القلب يتحمل من بعادك هموم جداد***ولاعاد الصبريبرد من اشواقي ونيراني
ابي ترجع تدفيني وتخيّب هقوة الحساد***ابي شوفك ينسيني .. ويحل قيدي وزنزاني
وانا والوقت ياخلي .. تزايد بيننا العناد***اهو يبطي بدقاته .. وانا دمعي تولاني
وانا من يوم توديعك حفظت من دقة الاعداد***ولو دقت ثوانيها ..تسيل الدمعه بجفاني
ومادام ان السفر طول.. اكيد البعد له ميعاد***واخاف ترجع وتلقى الموت توسدته وغطاني
واذا قالو الغريب اللي تغرب عن وطن ثم عـاد***بقول إني الغريب اللي ..رويت الغربه بأوطاني