لو يضيق الوقت

لو يضيق الوقت والدنيا تشيـن
وشمسنا تشرق علينا من شمال
ولو يطوف العمر ايام وسنسين
مااتغير ودي لك ..ذا محــــــال
ايه أعزك والغلا فينـي دفيـن
و أغليك والله هجران ووصـال
ايه أعزك ايـه آعزك مرتيـن
مـرة للـود واخـرى للـدلال
دامك اللي بالقسى عيى يليـن
مخلص دايـم ولافيهـا مجـال
الوفى طبعك وبك دايـم يزيـن
شعر مجنونك ويصبح عال عال
منهو غيرك فسر اسرار الحنين
ومنهو غير امتلك قلبي وطـال
ومنهو غيرك بدل ادروب الانين
في دروب نـورت كـل الليـال
وانتشى قلبي لذاك الود ليـن
اختلط حلوى الحقيقـه بالخيـال
واصبح الخفاق في ودك رهيـن
والحنيا العوج لك بيت وظـلال
والله اني أغليك والغلا دين
ولستمع بك عاذل كـذب وقـال
والله اني ماوهبت الروح ديـن
العطا وارث مـن عـم وخـال