2011- 8- 14
|
 |
أكـاديـمـي فـعّـال
|
|
|
|
رحمك الله ي"بو عبد الله "
لاهنت ياراس الرجاجيل لاهنت
لاهان راس فى ثرى العود مدفون
والله ماحطك بالقبر لكن أمنت
باللي جعل دفن المسلمين مسنون
منزلك ياعز الشرف لو تمكنت
فوق النجوم اللي تعلت على الكون
سكنت دار المجد ياشيخ وأسكنت
شعبك معك فى منزل العز ممنون
صنت العهد ياوافى العهد ماخنت
علمتهم وشلون الاشراف يوفون
كم ظالم عاداك واعفيت واحسنت
واخلفت ظن اجموع ناس يظنون
شلت الامانه حافظ ما تهاونت
شفنا بك رجال على النفس يقوون
السلام عليكم ورحمه الله وبركاته
بدون مقدمات اقدم لكم احد تصاميمي المتواضعه لذالك الاسطوره التي يندر تكررها.. "الملك فيصل بن عبد العزيز " رحمه الله
اتمنى ان ينال اعجباكم
ياللي طلبه الملك بالحب زينت
عرشك بتاج قلوب شعب يحبون
لونت تاج الملك ما قد تلونت
ماغرتك دنياك ماصرت مفتون
بالزهد والمعروف والصبر كونت
منهاج فيصل منهج اللي يعدلون
تلفتت روس المخاليق وين أنت
وين العظيم وعود الشوف مطعون
كم خافق وقف عقب ما تكفنت
وكم ناظر ذوب سواداه محزون
لو شفت حال الناس عقبك تبينت
مقدار حب الناس للي يودون
مما بقلبي قلت يابوي لاهنت
والانت فوق القول مهما يقولون
|