تخآريف مشتآق..!
تدري وش اللي صابني عقب فرقاك
ضيم الجرُوح وطآحنات السنيني
:
و يا شينها لا عِشت لحْظات ذِكرآك
يلعب بيَ الهاجوس في كِل حيني
:
اِسألْ جبآل الألب يا كِثر ما أنعاك
و اِنشِد نهرْ فيستول عن صَبْ عيني
:
و مِن كِثـْر ما الخاطِر تمادَى ليا جاك
نِصبت لِك عرْش الجنون و حنيني
:
و خطِّيت اِسمك في شجرْ غابَة آرآك
و آذوق طعمِك في المسآويك زيني
و أبـِلْ بَه ريقي ليَا مَر طريآك
و فيني مشآعر خاشرتها يديني
:
هذا الزمن يا بنت جاير و جاراك
و أنا ضحية جور فعلِك، خذيني
مثل المطر لا هَلْ دمعَه و غطَّاك
يترِك على جسمِك ملامِح حزيني
:
و أنا المطر لا جاك و إلا تعدَّاك
سلِّم عليه و خل عطرِك يجيني
:
و لا تحرم الأنفاس مِن صوت ناداك
دام أنت رآعي طيب لـَجْلِي و فيني
و قال المثل يا راعي الطيب يقواك
من هُو على طيبك يساوي ثنيني