ماهمني يابوي هرج المسافيه=وانت تخبرني دايمٍ لك عضيدي
واحد يجيب الهم ويقول تنبيه=يحاول انه في هروجه يكيدي
خله على همه تزايد بلاويه=لو ان همه حبكةٍ من قصيدي
راع الحسد دايم تصيبه وتخطيه=ينقد على الشعار لكن بعيدي
ماهو بلاقٍ درب يعرف مساريه=لان الخبل يابوي ماهو ضديدي
والشعر في راسي تميّز وابعطيه=من حبكة الافكار شيٍ جديدي
يابوي شوف القاف وشلون اسويه=اثر الجزاله ياحزامي تبيدي
اعرف دروب الذيب واعرف خطاويه=والذيب دايم مايعرف الزهيدي
واعرف علوم الخبل واعرف مماشيه=وانا مع العقّال زايد رصيدي
يابوي نصف الناس راعين تشويه=وانته رجل عاقل ورايك سديدي
علمتني كيف المراجل بتشبيه=مثل الجبل ثابت وصعبٍ يحيدي
واعطيتني درسٍ مع شوي تنويه=الدين دايم يحفظك ياوليدي
ماصاب هالانسان ماكان يخطيه=واصبر على بلواك ربك يفيدي
وراع الحسد خله علومه تباريه=يتبع علوم الناس لحق وطريدي
مشيت في نصحك وعلمك موحيه=يابوي شفت العلم علمٍ وكيدي
وراع الحسد يابوي خله وابكويه=لو كان همه حبكةٍ من قصيدي