المشاركة الأصلية كتبت بواسطة رضوان

الدبل مايجور هدفه هو ضمان فرص وظيفية أكثر للشخص, وطريقته لما واحد تخصصه مثلا تسويق, وبعد ما أنهى متطلبات التخصص, حب أنه يكون عنده تخصص ثاني كمبيوتر, يروح ياخذ المواد والكورسات الخاصة بتخصص الكمبيوتر اللي ما أخذها (إذا كانوا التخصصين في نفس الكلية تكون المواد المشتركة أكثر والمدة المطلوبة أقل). وبعدين تعطيه الجامعة شهادة بكالوريوس بتخصصين. وتنفعه هذي الشهادة إذا كان مخطط أنه يشتغل في التجارة الإلكترونية مثلا. أو واحد يتخصص في اللغة الإنجليزية وبعدين ياخذ بقية مواد التربية علشان يصير مدرس لغة إنجليزية.
وفي أوروبا وأمريكا وبعض الدول الآسيوية هذي الحركة تكون خيار ثالث بعد التخصص المفرد والدراسات العليا. يعني أما الطالب يكتفي تخصص واحد, أو أنه يضغط على نفسه وياخذ تخصص ثاني يضمن له التوظيف السريع في ظل انخفاظ الأمان الوظيفي في تلك الدول, أو أنه يكمل دراسات عليا.