نسييت اقولكم وش صارلي امس يوم الخلايق نيامه << احلفي

امس رحت مجمع الظهران طيب انا واختي واختي واخوي الحبيب كنا نمشي يعني مو واقفين< لا والله

فاخي الحبيب كان متقدما ببعض المترات اي بيننا القليل من المسافه

وانا امشي اسمع كذا خربشه وشوشه طعقشه << اتحدى تعرفون الاصوات ذي
وانا مسويها فيها ما ابي التفت بس عرفت وكذا لمحت انهم عيال

فقمت اسرررع شوي وهم يسرعوون وانا اسرع وهم يسسسسرعون << فيييه اييييه

حسيت انفسنا مارثون الهجن

طبعا لسه ماوصلنا البوابه ذاك الطريق الطويل الي على الشارع عرفتوه

المهم اخوي دخل مع اختي وانا ام قمل دخلنا إل وشوي اخوي فجأه رجع يعني مامدانا دخلنا بس

طرف نقابي بس طررفه دخل اخوي رجع ووقف عند الاسكرتيه

من كان جنبه العيل ذولاك

السكرتي سألهم وين عايلتكم قالوا هذولاك إلي دخلوا << يقصدنا

فأخوي كان قااط وواقف جنبهم فقال كذاااااا هذولا عايلتي انا

لو شفتوا فيساتهم بس قسم كسروا خاطري

بس وشدراني يمكن نوايهم سيئه يعني مايبون يشترون يبون يغازلون والعياذ بالله

ويمكن يرقمون بنت وهالبنت تصير ماتخاف الله وقحه وكلبه وماتستحي وتاخذ الرقم

بعدين لما ترجع تكلمه ثم يصيدها اخوها ويطقها ويقتلها

ثم ابوها يدري بسواتها وتجيه جلطه ثم ينشل

<< حشى مسلسل بس صدق يمكن يصير ثم انا اشيل ذنبه

واصير دمرت عائله لا لا استغفر الله وشدخلني انا

وش صار كالعااده خوااتي ماشفت إلا غبرتهم وانا إلي صرت بوجه المدفع

فقالي السكرتي اي واحد فيهم من عيلتك

قسسم بالله والله العظيم تدرون وش بغيت اسوي

بغيت اقول ولا واحد اي والله بغيت اقولها

بس كذا شرييط طفولتي وذكرياتي مع اخوي مر من امامي وهونت

>> محد خزهااا خززه لا لا اعوووذ بالله اخوي يعرفني ما اسوبها << مرره بريئه

فجاوبت على السكرتي بكل ثقه إلي لابس ثوب

<< المشكله كلهم لابسين ثياب مالاحظت من الخررعه

فأخوي قال شفت انا انا انا

فقالي هو قلت ايه << في هذه اللحظه حسيت بمدى عمق اخوتي لله درني من اخت

بعدين سألته قلت تخيل نكبتك وش بتسوي فيني

قال ابد بس طرااااق واسحب خشتك واحلمي اوديك ثاني مره إلا لما تجهزين عرسك

تخيلوا طقني والله لا اطقه ما طقني ابوي يطقني هو وجججع

برووح اطقه وارجع <<تسبق الاحدااث ماعندها وقت
لا اشدعوووه اخسى اطقه وهو يخسى يطقني كلنا نخسى

تخسسيه تااايم

<< عقلت صارت ذربه توزع ورد