غايب حبيبي ماوصلني سلامه
مدري غيابه عذر أوشي مقصود
موعادته يبخل علي بإهتمامه
دايم يطمني ولو كان موجود
ماأبغى أشوفه بس أبسمع كلامه
لاصار طيب راحتي مالها حدود
يرجعه ربي علي بالسلامه
الي وحشني كم بقى يوم ويعوود
محتاج له في درب مقوى ظلامه هو شمعتي لا كثرت ايامي السود
مقدر على بعده ولا اقوى خصامة لاغاب احس بدنيتي شي مفقود
متى يعود وترجع الإبتسامه
الصبر مهما طال له وقت وحدود
عندي عتاب ودمعتين وملامه
وعندي أمل إنه إذا غاب بيعود