وشسالفة قلبك ترا احترت وياك
مدري تحس بشوقه ومات قلبك
عودتني اتنفسك عشق والقاك
تنبض بصدري بين حبي وحبك
همي بهالدنيا سعادتك ورضاك
يللي تهمك راحتي خاف ربك
دايم تجافيني وانا مقدر اجفاك
دواي انا بيديك وتبخل بطبك
تعال تعال محتاجك انا كلي افداك
ارجع علي ولاتكابر بذنبك
ذنبك تصدقني اذا قلت ابنساك
ولا تصدقني اذا قلت احبك
روحي تبي روحك ودنياي دنياك
قلبي متيم فيك واحتاج قلبك
واللي زرع حبك في قلبي وغلاه
مقدر انا انساه واعاف دربك